Inkuru dukesha mayoclinic.com iratangaza ko kwiheba no kumva ubuzima burangiye, nyuma yuko umuntu akimara gusuzumwa ko arwaye indwara ya cancer , ari byo bintu bya mbere atekereza mu mutwe we. Ariko ibi bigenda bishira uko umurwayi agenda avurwa kugera igihe yumva muri we nta kibazo afite ku burwayi bwe. bakomeza bavuga ko imiti ikoreshwa mu kuvura cancer ku bagore.

Ishobora gutera ingorane kuri bo zo gukora imibonano mpuzabitsina. Ndetse ko iki ari ikbazo aba bagore barwaye cancer bahura nacyo. ingorane zirimo kumagara mu gitsina, kubabara mu gihe cy'imibonano mpuzabitsina, kutagera ku byishimo nyabyo bibonerwa mu mibonano mpuzabitsina, kugabanuka k'ubushake bwo gukora imibonano mpuzabitsina ndetse no kugira intege nke mu gihe cy'imibonano mpuzabitsina.

Gusa ariko, ngo si abagore bose barwaye cancer bahura n'izi ngorane zituruka ku miti ivura cancer. Abagore barwaye cancer y'uruhago rw'inkari, cancer y'ibere, kanseli y'inkondo y’umura, kanseli y'amarango ni bo bafite ibyago byinshi byo kugerwaho nizi ngorane z'imiti ikoreshwa mu kuvura indwara ya Canser.

MANIRAHO Jean De La Paix Fils/UMUGANGA.com